Back

የልማት ማዕከላትን በመንገድ የማስተሳሰር ስራው ተጠናክሮ መቀጠል እንዳለበት ማሳሰቢያ ተሰጠ

በኦሮሚያ ብሄራዊ ክልላዊ መንግስት የባሌ ዞን አስተዳደር አስፓልት መንገድ ምርቃት ተካሂዷል፡፡

በሮቢ ከተማ አባ ገዳ አዳራሽ በምሽት ፕሮግራም ለእንግዶች በቢፍቱ ኦሮሚያ ባንድ ልዩ ልዩ ጣዕመ ዜማዎች ቀርበዋል፡፡ በማግስቱ በዲንሾ ፓርክ ፅህፈት ቤት እንግዶቹ የአካባቢውን ባህልና ስነ-ስርዓት መሰረት አቀባበል ከተደረገ በኋላ ፓርኩን ጎብኝተዋል፡፡ በማግስቱ የእለቱ የክብር እንግዳ ክቡር ጠቅላይ ሚኒስትር ሃይለማሪያም ደሳለኝ መንገዱን መርቀው ከፍተዋል፡፡ የሮቤ የመጀመሪያ ደረጃ ትምህርት ቤት ተማሪዎች ስፖርታዊ ትርኢት ጅምናስቲክስ አሳይተዋል፡፡ በእለቱ ሙዚቃ ካቀረቡ ድምፃዊያን መካከል ዶክተር አሊ ቢራ ይገኝበታል፡፡ በአገር ሽማግሌዎች ምርቃትና ለታላቁ መሪ መለስ ዜናዊ የህሊና ፀሎት ተድርጎ በሮቢ ስታዲየም የነበረው የእለቱ ፕሮግራም የተጀመረ ሲሆን የእንኳን ደኅና መጣችሁ ንግግር በዞኑ አስተዳደርና በክልሉ ፕሬዝዳንት ተደርጓል፡፡ የክልሉ ፕሬዝዳንት አቶ አለማየሁ አቶምሳ በንግግራቸው እንዳስቀመጡት ኋለቀርነትና ድህነት ትግላችን የሃገራችን ራዕይ ስንቃችን ነው ብለዋል፡፡ ልማታዊ ዲሞክራሲያዊ መንግስታችን በያዘው የልማት ጎዳና የብዙ ዘመናት ኢኮኖሚያዊና ፖለቲካ ጥያቄ የመለሰ እንደሆነ አቶ አለማሁ ጠቅሰው የአቶ መለስ ዜናዊ ታሪክ ለዘላለም እንደሚታወስም በንግግራቸው አካተዋል፡፡

የትራንስፖርት ሚኒስትሩ አቶ ድሪባ ኩማ በበኩላቸው እንደተናገሩት በማደግ ላይ ባሉ ሃገራት ከፍተኛውን ድርሻ የያዘው የመንገድ ትራንስፖርት እንደሆነና ለኢኮኖሚው ትስስር ምርትን ለአለም ገበያ ለማድረስ የመንገድ አውታር ምርትና ዜጎችን በተመጣጣኝ የትራንስፖርት ወጪ ለማጓጓዝ ኢትዮጵያን በአስፓልት ከጎረቤት አገሮች ጋር ለማገናኘት ጥረት እየተደረገ ነው ሲሉ ገልፀዋል፡፡

አቶ ዚያድ ወልደ ገብርኤል የኢትዮጵያ መንገዶች ባለስልጣን ዋና ዳይሬክተር እንዳሉት በሃገራችን ሰፋፊ የመንግድ ግንባታ ተከናውኗል፡፡ መንግስት ለመንገድ ልማቱ በሰጠው ትኩረት ሁሉም የሃገራችን ክፍል መሰረተ ልማቱን ለማድረስ ያደረገው ጥረት የዶዶላ ጎባ መንገድ ግንባታ የዚሁ እቅድ አካል እንደሆነ ተናግረዋል፡፡