Back

የመንገድ ትራፊክ አደጋን ለመቀነስ እየሠራ መሆኑን የትራንስፖርት ሚኒስቴር አስታወቀ

 የመንገድ ትራፊክ አደጋን ለመቀነስ እየሠራ መሆኑን የትራንስፖርት ሚኒስቴር አስታወቀየትራንስፖርት ሚኒስቴር መጋቢት 21/2005 ዓ.ም በጊዮን ሆቴል ከተጠሪ ተቋማት፣ ከፌዴራል ፖሊስ ኮሚሽንና ከሌሎች አጋር አካላት ጋር ባደረገው ውይይት ከጊዜ ወደጊዜ አሳሳቢ እየሆነ የመጣውን የመንገድ ትራፊክ አደጋ ለመቀነስ ዕቅድ አውጥቶ እየሠራ ነው፡፡መረጃዎች እንደሚያመለክቱት እስካሁን ከተመዘገቡት የመንገድ ትራፊክ አደጋዎች ከፍተኛውን ቁጥር የያዘው በአዲስ አበባ በ200 ኪ.ሜ ራድየስ ውስጥ ነው፡፡ እንደ ምክንያት የተቀመጠው በሀገሪቱ ካሉት ተሽከርካሪዎች በርካታዎቹ በዚህ ክልል ስለሚገኙና አደጋውም በዚያው መጠን እየጨመረ መምጣቱን በትራንስፖርት ሚኒስቴር የትራንስፖርት ባለስልጣን ዳይሬክተር አቶ ካሳሁን ኃ/ማርያም ገልፀዋል፡፡

በውይይቱ ላይ የተገኙት የፌዴራል ፖሊስ ረዳት ኮሚሽነር ደመላሽ ገብረ ሚካኤል የትራንስፖርት አገልግሎቱን ዘመናዊና እንከን የለሽ ለማድረግ በአዲስ መልክ ዝግጅታቸውን መጀመራቸውን አብራርተዋል፡፡

በውይይቱ የትራንስፖርት ሚኒስቴር የክልል አመራሮች ለስራው ልዩ ትኩረት ሰጥተው እንዲሰሩ የድጋፍና የክትትል ስራ መስራት አለባቸው፣ በከተሞች አካባቢ ያሉ የትራፊክ ፖሊሶች አናሳ ስለሆኑ ቢታሠብበት በትራፊክ ፖሊሶች ላይ ያለው የሎጅስቲክስና የማቴሪያል ችግር ቢቀረፍና ከአዲስ አበባ በ200ኪ.ሜትር ዙሪያ የሚደረገው ቁጥጥር ቀጣይነት እንዲኖረው ልዩ ስልት ሊነደፍለት ይገባል የሚሉ አስተያየቶች ከተሳታፊዎች ተነስተዋል፡፡