ታህሳስ 18/2011 አቶ አበበ አበባየሁ የኢትዮጵያ ኢንቨስትመንት ኮሚሽን ኮሚሽነር ሆነው ተሾሙ

 አቶ አበበ አበባየሁ የኢትዮጵያ ኢንቨንስትመንት ኮሚሽን ኮሚሽነር  ሆነው ተሾሙ፡፡

አቶ አበባ የኢንቨስትመንት ኮሚሽን ኮሚሽነር  ሆነው የተሾሙት በቅርቡ አምባሳደር በመሆን የተሾሙትን አቶ ፍፁም አረጋን በመተካት ነው ፡፡

አቶ አበበ ሹመቱን ተከትሎ በትዊተር ገፃቸው እንዳሳፈሩት ሀገርን ለማገልገል መብቃት ትልቅ ክብር ነው ብለዋል፡፡

አዲሱ ኮሚሽነር ኢትዮጵያን ተመራጭ የኢንቨስትመት መዳረሻ ለማድረግ እንደሚሰሩም ነው የተናገሩት፡፡

አቶ አበበ አበባየሁ የህግ ትምህርት  እንደተከታተሉ መረጃዎች የሚያመለክቱ ሲሆን ከዚህ ቀደም በኮሚሽኑ በምክትልነት ማገልገላቸው ተነግሯል፡፡

አዲሱ ኮሚሽነር የግሉን ዘርፍ በማሳደግ፣በኢኮኖሚ ፓሊሲ፣ በአለም አቀፍ የንግድና ኢንቨስትመንት ስምምነት እና በማስተማር የካበተ ልምድ አላቸው ተብሏል፡፡

አቶ አበበ የኢንቨስትመንት  ኮሚሽን በምክትል ኃላፊነት ከመሆናቸው በፊት የአለም ባንክ አካል በሆነው አለም አቀፉ የፋይናስ ኮርፖሬሽን ሲሰሩ  እንደቆዩ መረጃዎች ያመለክታሉ፡፡

    ኤፍ. ቢ.ሲ


ዜናዎች እና ለውጦች ዜናዎች እና ለውጦች